21 ნოემბერი, 2022

გორის მერმა სტუდენტები დააჯილდოვა

გორის მუნიციპალიტეტიდან ეროვნულ გამოცდებში 100 % -იანი გრანტი 39 ახალგაზრდამ მოიპოვა და ყველა მათგანი მერიიდან 500 ლარით დაჯილდოვდა.
ახალგაზრდებთან შეხვედრა გორის ტურისტულ ცენტრში გაიმართა და მას მერთან ერთად, შიდა ქართლის სამხარეო ადმინისტრაციის, საკრებულოსა და მერიის წარმომადგენლები ესწრებოდნენ.

დაჯილდოების საღამო კითხვა პასუხის რეჟიმში გაგრძელდა და ახალგაზრდებმა მათთვის საინტერესო კითხვებზე ხელისუფლების პირველი პირებისგან მოისმინეს პასუხები.

100 % -იანი გრანტის მქონე სტუდენტების დაჯილდოების პროგრამას ახალგაზრდების წახალისების მიზნით გორის მუნიციპალიტეტის მერია უკვე რამდენიმე წელია ახორციელებს.