26 სექტემბერი, 2022

ანაკლიის ბანაკმა ახალგაზრდებს უმასპინძლა

კულტურის, სპორტისა და ახალგაზრდობის სამინისტროს ახალგაზრდობის სააგენტოს და პარტნიორი ორგანიზაციების მხარდაჭერით, მუნიციპალური ახალგაზრდობის პოლიტიკის განვითარების ფარგლებში, 21 მუნიციპალიტეტის ახალგაზრდული საბჭოს წევრები და ამავე მუნიციპალიტეტების მერიების ახალგაზრდულ საკითხებზე პასუხისმგებელი პირები შეიკრიბნენ.

ღონისძიების 100-ზე მეტ მონაწილეს ანაკლიის ახალგაზრდულმა ბანაკმა უმასპინძლა.
ამ მასშტაბის შეკრება პირველია და მიზნად ისახავს თვითმმართველობებსა და ახალგაზრდული საბჭოს წევრებს შორის კოორდინირებული მუშაობის ხელშეწყობას, ცნობიერების ამაღლებას საბჭოს საქმიანობის შესახებ და ერთმანეთის გამოცდილების გაზიარებას.