16 სექტემბერი, 2022

სპორტის სააგენტომ მოსწავლეების მიღება დაიწყო

სააგენტო ახალგაზრდებს სპორტის ცხრამეტი სახეობის შესწავლას უფასოდ სთავაზობს.

ეს სპორტული სახეობებია: ძიუდო, თავისუფალი ჭიდაობა, კრივი, კარატე, კალათბურთი, ხელბურთი, ფრენბურთი, ტაეკვანდო, კიკბოქსინგი, ტანვარჯიში, ძალოსნობა, მძლეოსნობა, მეკლდეურობა, ჩოგბურთი, მკლავჭიდი, ჭადრაკი, რაგბი, ქართული ჭიდაობა, სამბო.

სასწავლო პროცესს უძღვებიან დამსახურებული მწვრთნელები, სპორტის აღიარებული და გამოცდილი სპეციალისტები.

ორგანიზაციის სპორტულ სკოლებში აღიზარდა უამრავი ტიტულოვანი სპორტსმენი.

სპორტული სახეობების შესწავლის მსურველებმა უნდა მიმართონ სპორტის განვითარებისა და ხელშეწყობის სააგენტოს (მისამართი: გორი, სტალინის გამზირი #11).