24 აგვისტო, 2022

გორში შშმ ბავშვებისთვის რეაბილიტაციის პროგრამა ფუნქციონირებს

შეხვედრას ესწრებოდა გერმანიის საელჩოს წარმომადგენელი სუსანა რაკი.

რეაბილიტაცია/აბილიტაციის პროგრამა, „კეთილდღეობის და განვითარების ცენტრის“ ბაზაზე გერმანიის საელჩოს დაფინანსებით გაიხსნა.

პროგრამა ითვალისწინებს შეზღუდული შესაძლებლობების მქონე ბავშვთა ფიზიკური და ფსიქიკური მდგომარეობის გაუმჯობესებასა და საზოგადოებაში ინტეგრაციას.

პროგრამაში მონაწილეობა შეუძლიათ 0-დან 18 წლამდე ასაკის შშმ პირებს.

გარდა პროგრამის პრეზენტაციისა, ცენტრის ხელმძღვანელმა ისაუბრა ორგანიზაციის მუშაობისა და გამოცდილების შესახებ.

გორის მერის მოადგილესთან ერთად, შეხვედრას ესწრებოდნენ გორის მუნიციპალიტეტის საკრებულოს თავმჯდომარე დავით რაზმაძე, ადგილობირივ ხელისუფლებისა და საზოგადოებრივი ორგანიზაციების წარმომადგენლები.