31 დეკემბერი, 2022

პროექტი „ბედნიერი ახალი წელი“ გრძლედება

გორის მუნიციპალიტეტის მერის მოადგილემ თამაზ შიოშვილმა და კულტურის განყოფილების ხელმძღვანელმა ლელა მასიურაძემ კეთილდღეობისა და განვითარების ცენტრის, საზოგადოება ბილიკისა და ა(ა)იპის „შენი თბილი კერა“ ბენეფიციარებს დამდეგი შობა-ახალი წელი მიულოცეს და საახალწლო საჩუქრები გადასცეს.

სადღესასწაულო ცენტრ „დისნეის“ ზღაპრის გმირებმა კეთილდღეობისა და განვითარების ცენტრისა და საზოგადოება „ბილიკის“ ბენეფიციარებისთვის საახალწლო ღონისძიებაც გამართეს.

პატარებს საჩუქრად საახალწლო წარმოდგენაზე „საოცრებათა ქალაქი“ დასასწრები ბილეთებიც გადაეცათ.

პროექტს „ბედნიერი ახალი წელი“ გორის მუნიციპალიტეტის მერია სადღესასწაულო ცენტრ „დისნეისთან“ ერთად ახორციელებს.