16 დეკემბერი, 2022

გორში საახალწლო ღონისძიებები „ნართების“ კონცერტით გაიხსნა

კონცერტი გაიხსნა თინათინ ჭულუხაძის სიმღერის სასცენო პრემიერით. ,,სიმღერა საქართველოზე“, რომელიც მან ანსამბლ ,,ნართების“ სოლისტებთან ერთად შეასრულა სამაჩაბლოს ეძღვნება. სიმღერის შექმნა გორის მუნიციპალიტეტის მერიის მიერ დაფინანსდა.

,,ნართები“ სამხრეთ ოსეთის ადმინისტრაციასთან არსებული ხალხური სიმღერისა და ცეკვის სახელმწიფო აკადემიური ანსამბლია, რომელიც 2007 წელს დაარსდა და ქართულთან ერთად ოსური და აფხაზური ხალხური ფოლკლორის შენარჩუნება - პოპულარიზაციას ემსახურება.

გორის მუნიციპალიტეტის მერიამ ანსამბლი ,,ნართები“ კულტურის განვითარებაში შეტანილი წვლილისთვის დააჯილდოვა.

გორში საახალწლო ღონისძიებები გრძელდება.