გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
21 ივლისი, 2022
გორის მუნიციპალიტეტის მერი ვლადიმერ ხინჩეგაშვილი გორში, ხელოვნების საერთაშორისო ფესტივალ „მაჩაბელის“ გახსნას დაესწრო.
გორის სახელმწიფო სასწავლო უნივერსიტეტის მიერ ორგანიზებული ფესტივალი საქართველოს კულტურის, სპორტისა და ახალგაზრდულ საქმეთა სამინისტროს გამარჯვებული პროექტია.
პროექტი სამინისტროს, უნივერსიტეტისა და გორის მუნიციპალიტეტის მერიის თანადაფინანსებით ხორციელდება.
ხელოვნების საერთაშორისო ფესტივალი „მაჩაბელი“ დღეს გაიხსნა და სამი დღე გაგრძელდება.
ფესტივალში ქართველ ხელოვანებთან ერთად, მონაწილეობას იღებენ სტუმრები ოთხი ქვეყნიდან.
ფესტივალის ფარგლებში დაგეგმილია როგორც ქართველი, ასევე უცხოელი ხელოვანების მასტერკლასები, საჯარო ლექციები, ფოტოგამოფენები, მუსიკალური ნომრები, ფილმების ჩვენება და განხილვა.
ხვალ გორის ერისთავის თეატრში გაიმართება ლიტერატურული კონკურსის „მაჩაბელის“ გამარჯვებულების დაჯილდოება.
ხელოვნების საერთაშორისო ფესტივალ „მაჩაბელის“ გზავნილია „ხელოვანები მშვიდობისათვის“ და მიზნად ისახავს ხელოვნების როლის წარმოჩენასა და ახალგაზრდების კიდევ უფრო მეტად დაინტერესებას.
