
გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01

23 მარტი, 2018
მიუსაფარ ცხოველთა პრობლემების გადაჭრის მიზნით, შიდა ქართლში შესაძლოა ინტერმუნიციპალური თავშესაფარი გაიხსნას. თავშესაფრის კონცეფცია დღეს საზოგადოებას ,,სოციალური პროგრამებისა და განვითარების ცენტრის“ წარმომადგენლებმა წარუდგინეს. შეხვედრა გორის მუნიციპალიტეტის მერიის საკონფერენციო დარბაზში შიდა ქართლის გუბერნატორის ადმინისტრაციის ინიციატივითა და ორგანიზებით გაიმართა.
შეხვედრას ესწრებოდნენ გორის, კასპის, ხაშურისა და ქარელის მუნიციპალიტეტების მერები, ცხოველთა უფლებების დამცველები, მედიის წარმომადგენლები, გორის მერიის სპეციალური სერვისების სააგენტოს თანამშრომლები და დაინტერესებული მოქალაქეები. საჯარო განხილვისთვის წარმოდგენილი კონცეფციის მიხედვით, გათვალისწინებულია საერთაშორისო სტანდარტების შესაბამისი თავშესაფრის მოწყობა 5000 კვადრატული მეტრის ფართზე. თავშესაფარი აღჭურვილი იქნება ვოლიერებით, ცხოველთა სასეირნო სივრცეებით, ლაბორატორიით, ვეტერინარული კლინიკით, კრემატორიუმითა და ქოლცენტრით.
ინტერმუნიციპალური თავშესაფრის ძირითადი ფუნქციები, წარმოდგენილი პროექტის მიხედვით, იქნება: ცხოველთა აღრიცხვის წარმოება, გამოძახების ან მომართვის საფუძველზე ცხოველთა ჰუმანური მეთოდებით დაჭერა და თავშესაფარში კანონით დადგენილი წესით გადაყვანა, მათი სტერილიზაცია/კასტრაცია/ვაქცინაცია (თუ არ გამოუჩნდა პატრონი). თავშესაფარს შესაძლებლობა ექნება განახორციელოს ფასიანი სერვისებიც პატრონიანი ცხოველებისთვის. პრეზენტაციის შემდეგ გაიმართა დისკუსია ინტერმუნიციპალური თავშესაფრის კონცეფციის ირგვლივ, დაისვა კითხვები მის ფუნქციონირებასთან დაკავშირებით და გამოითქვა განსხვავებული მოსაზრებები. მომდევნო ეტაპზე გაიმართება გუბერნატორის ადმინისტრაციისა და მუნიციპალიტეტების წარმომადგენელთა შეხვედრა, სადაც მუნიციპალიტეტები წარადგენენ საკუთარ მოსაზრებებს თავშესაფრის პროექტის განხორციელებისათვის საჭირო რესურსების მოძიების შესაძლებლობებთან დაკავშირებით.
ბოლო ტურის გადამწყვეტ შეხვედრას გორმა უმასპინძლა და "გორმა" საკუთარ მოედანზე „გარდაბანი“ ანგარიშით - 5:0 დაამარცხა.
სპორტის აღნიშნულ სახეობაში რეგიონალურ შეჯიბრებებში გამარჯვებისთვის გოგონებში გორის მე - 6, ხოლო ვაჟებში გორის მე -5 საჯარო სკოლების გუნდები იბრძოლებენ.
შეზღუდული შესაძლებლობების მქონე პირების საერთაშორისო დღესთან დაკავშირებით მოწყობილ ღონისძიებას ორგანიზაცია „კეთილდღეობისა და განვითარების ცენტრმა“ უმასპინძლა.