გორის მუნიციპალიტეტის მერმა ვლადიმერ ხინჩეგაშვილმა და კალათბურთის ფედერაციის წარმომადგენლებმა "ყველა ვარსკვლავის" მატჩის გამარჯვებულები დააჯილდოვეს.
სანახაობრივი შოუ გორის სპორტის სასახლეში გაიმართა და გულშემატკივრებმა ფავორიტი კალათბურთელების ამხანაგური მატჩი იხილეს.
"ყველა ვარსკვლავი" საქართველოს კალათბურთის ფედერაციის ორგანიზებითა და გორის მერიის მხარდაჭერით გაიმართა. მისი ძირითადი მიზანია სპორტის ამ სახეობის კიდევ უფრო მეტი პოპულარიზაცია და კალათბურთით მეტი ახალგაზრდის დაინტერესება.
