პანდემიასთან დაკავშირებული დახმარებების მეორე ეტაპი
გორის მერია მოსახლეობის სურსათით უზრუნველყოფას პანდემიასთან დაკავშირებული შეზღუდვების მეორე ეტაპზეც აგრძელებს.
დღეს სურსათის პაკეტები ყოფილ „ნარკოლოგიურის“ შენობაში მცხოვრებმა ოჯახებმა მიიღეს.
დაწესებული შეზღუდვების გამო უსახსროდ დარჩენილი და უკიდურესად გაჭირვებული მოსახლეობის პროდუქტებით მომარაგების მიზნით, ადგილობრივი ბიუჯეტიდან 100 ათასი ლარი გამიოყო.
აღნიშნული თანხით 50 ლარის ღირებულების სურსათის პაკეტებს გორის მუნიციპალიტეტში მცხოვრები 2 ათასი ოჯახი მიიღებს.
უწყებამ სხვადასხვა ორგანიზაციებისგანაც მიიღო შემოწირულობა. პროდუქტი გადაუნაწილდება იმ ოჯახებს, რომლებსაც ცხოვრება მძიმე სოციალურ პირობებში უწევთ.
გორის მერია დიდ მადლობას უხდის აღნიშნულ ორგანიზაციებს მხარდაჭერისთვის და ქველმოქმედებისთვის.
