29 დეკემბერი, 2020

დახმარება გამყოფი ხაზის მიმდებარე სოფლის მოსახლეობას

გორის მერი გამყოფ ხაზთან მცხოვრებ გვარაძეების მრავალშვილიან ოჯახსა და მარტოხელა მოხუცს ლეილა რაზარაშვილს სტუმრობდა.

კონსტანტინე თავზარაშვილმა მათ შერიგებისა და სამოქალაქო თანასწორობის საკითხებში სახელმწიფო მინისტრის აპარატისა და „სოკარ ენერჯი ჯორჯიას“ ერთობლივი აქციის ფარგლებში პროდუქტების კალათები გადასცა.

აღნიშნული დახმარებით გორის მუნიციპალიტეტის გამყოფ ხაზთან მდებარე სოფლებში მცხოვრები 600 - მდე ოჯახი ისარგებლებს.

კოვიდპანდემიის მეორე ტალღით გამოწვეული საჭიროებების შემსუბუქების მიზნით, პროდუქტები საქართველოს მასშტაბით გამყოფი ხაზთან მდებარე 116 სოფლის 2100-ზე მეტ ოჯახს გადაეცემა.