26 დეკემბერი, 2019

ფხვენისში ახალი სპორტული მოედანი მოეწყო

ფხვენისში ახლადმოწყობილი სპორტული მოედანი გივი ხაჩიძის სახელობის ტურნირით გაიხსნა. ერთმანეთს ფხვენისისა და ტინისხიდის ჭაბუკ ფეხბურთელთა გუნდები შეხვდნენ.

ოლიმპიური და მსოფლიო ჩემპიონების აღმზრდელი პედაგოგის სახელობის ტურნირი ტინისხიდის სასარგებლოდ ანგარიშით 4:3 დასრულდა. ღონისძიებას ხელისუფლების წარმომადგენლები და მოსახლეობა ესწრებოდა.

მოედანი ადგილობრივი ბიუჯეტისა და რეგიონებში განსახორციელებელი პროექტების ფონდის თანადაფინანსებით მოეწყო. სამუშაოების ღირებულებამ 59 959 ლარი შეადგინა.