გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
18 მარტი, 2019
შავშვებისა და გორის მე-19 საბავშვო ბაღების ბიბლიოთეკები ახალი წიგნებით შეივსო.
ორგანიზაციებს საბავშვო ლიტერატურა საჩუქრად მწერალმა ალექსი ჩიღვინაძემ და მისმა მეუღლემ, გაეროს ბავშვთა ფონდის სკოლამდელი განათლების სპეციალისტმა ანა ჯანელიძემ ადგილობრივი ხელისუფლების წარმომადგენლებთან ერთად გადასცეს.
ალექსი ჩიღვინაძე რამდენიმე თვის წინ იაკობ გოგებაშვილის სახელობის საბავშვო და საყმაწვილო ლიტერატურული პრემიის გამარჯვებული გახდა. საბავშვო ბაღების ბიბლიოთეკების წიგნადი ფონდის შევსების მიზნით, მიღებული ჰონორარით მწერალმა საბავშვო ლიტერატურა შეიძინა. მან 130 - მეტი წიგნი გორის მუნიციპალიტეტის იმ საბავშვო ბაღებს შორის გადაანაწილა, რომელთა კონტიგენტიც ყველაზე მეტ დევნილ აღსაზრდელს ითვლის. მწერალმა რამდენიმე ეგზემპლარი ა(ა)იპ გორის მუნიციპალიტეტის სკოლამდელი აღზრდის სააგენტოს ბიბლიოთეკასაც აჩუქა. აღნიშნული წიგნებით სარგებლობა აღსაზრდელების მშობლებსაც შეუძლიათ.
