14 მარტი, 2019

გორში უფასო სამედიცინო აქცია გაიმართება

კლინიკა "ინმედიცი" გორის მუნიციპალიტეტის მერიის მხარდაჭერით, უფასო სამედიცინო აქციას გამართავს. პროფილაქტიკურ გასინჯვებსა და კონსულტაციებს მოსახლეობას სხვადასხვა ექიმ - სპეციალისტები გაუწევენ, მათ შორის ენდოკრინოლოგი, ოფთალმოლოგი, ნევროლოგი, კარდიოლოგი, თერაპევტი, ოტორინოლარინგოლოგი, ანგიოლოგი და ნეფროლოგი. აქციის ფარგლებში მოხდება სისხლში შაქრის რაოდენობის განსაზღვრაც (გლიკემია).

დაავადებათა ადრეული გამოვლენა და დროული, ადეკვატური მკურნალობა მნიშვნელოვნად აუმჯობესებს მოსახლეობის ჯანმრთელობის მდგომარეობას. ამიტომ, მნიშვნელოვანია ადგილზე პროფილაქტიკური გასინჯვების ჩატარება.

უფასო სამედიცინო აქცია ჩატარდება 16 მარტს, 11 - დან 16 საათამდე, გორში, "საზოგადოებრივი ჯანდაცის ცენტრში" (სტალინის გამზ. N2)