გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
06 მარტი, 2019
ქალთა კვირეულის ფარგლებში გოგონებს შორის კალათბურთის მეგობრული ჩემპიონატი გაიმართა. ჩემპიონატის მსვლელობისას ოთხი გუნდი დაუპირისპირდა ერთმანეთს, გუნდები დაკომპლექტებული იყო ადგილობრივი არასამთავრობო ორგანიზაციების წევრი გოგონებით. ორგანიზაციებისა და მოხალისე სპორტსმენების დამეგობრებისა და ინტეგრაციის მიზნით, დაპირისპირებული გუნდის წევრი გოგონები ერთმანეთში გადანაწილდნენ.
ახალგაზრდები სამომავლოდაც აპირებენ მსგავს შეხვედრებში მონაწილეობის მიღებას, ჯანსაღი ცხოვრების წესის და გოგონათა კალათბურთის პოპულარიზაციას. თამაშის საუკეთესო ბომბარდირი ქალბატონი თამთა ვახტანგაშვილი გახდა.
მეგობრული ჩემპიონატი გორის მუნიციპალიტეტის მერიისა და "დემოკრატიული ჩართულობის მხარდამჭერი პროგრამის FID- ის" ინიციატივით გაიმართა.
