22 თებერვალი, 2019

გორი კვირას საქართველოს სუპერთასის გათამაშებას უმასპინძლებს

გორის მერმა თენგიზ ბურჯანაძის სახელობის სტადიონზე მიმდინარე მოსამზადებელი სამუშაოები დაათვალიერა. აღნიშნულ სტადიონზე 24 თებერვალს საქართველოს სუპერთასის მოსაპოვებლად ერთმანეთს ქვეყნის მოქმედი ჩემპიონი - "საბურთალო" და დავით ყიფიანის სახელობის თასის მფლობელი - ქუთაისის "ტორპედო" დაუპირისპირდებიან. შეხვედრა 16:00 საათზე დაიწყება. მიმდინარე წლიდან, საქართველოს სუპერთასს ლეგენდარული ქართველი ფეხბურთელის, სლავა მეტრეველის სახელი მიენიჭა.