18 თებერვალი, 2019

გაუფრთხილდი გარემოს!

მოაჯირს, რომელიც გოგებაშვილის ქუჩაზე მდინარე მეჯუდას მიუყვება, ყოველდღიურად აკლდება დეკორატიული ნაწილები. ე. წ. „სფეროები“, რომლის ორი მესამედი ნაწილიღაა დარჩენილი, მოაჯირის საყრდენი სვეტების ზედა მხარესაა მიმაგრებული. გთხოვთ, ნუ დააზიანებთ გარემოს! გოგებაშვილის ქუჩაზე 1 135 236 ლარის ღირებულების სარეაბილიტაციო სამუშაოები ერთი თვის წინ დასრულდა. გარდა აღნიშნული ქუჩის მონაკვეთისა (კახნიაშვილის ქუჩიდან 26 მაისის სანაპირომდე), რეაბილიტირდა საკათედრო ტაძრის მიმდებარე მოედანი და საკანალიზაციო ქსელი.