08 იანვარი, 2019

ალილო გორში

გორში შობის დღესასწაულთან დაკავშირებით ტრადიციული ალილო მსვლელობა  მოეწყო. საშობაო მსვლელობას ხელისუფლების წარმომადგენლებიც შეუერთდნენ. გორის მერმა კონსტანტინე თავზარაშვილმა და შიდა ქართლის გუბერნატორმა გიორგი ხოჯევანიშვილმა დღესასწაულის მახარობლებს საშობაო ნობათი გადასცეს.

მსვლელობა ღვთისმშობლის შობის საკათედრო ტაძრიდან დაიწყო და ქალაქის ცენტრალურ ქუჩებში გაგრძელდა. ალილოს მონაწილეები გორისა და ატენის მიტროპოლიტმა მეუფე ანდრიამ დალოცა. შეგროვებული საშობაო ნობათი ხელმოკლე ოჯახებს გადაეცემა. საქართველოში ალილოს ტრადიცია სათავეს V-VI საუკუნიდან იღებს. მისი აღნიშვნა ილია მეორის ლოცვა-კურთხევით 2000 წლიდან აღდგა.