3-დან 7 იანვრის ჩათვლით, კულტურის ცენტრში (მშვიდობის გამზირი №12.ა) საახალწლო ნაძვის ხის ზეიმზე, გორის მერია 2 500 ბავშვს ეპატიჟება. პატარებს შორის იქნებიან სოციალურად დაუცველი, დევნილი და შეზღუდული შესაძლებლობის მქონე პირებიც. ბავშვები აღნიშნული ღონისძიების მოსაწვევით ატრაქციონებით სარგებლობასაც შეძლებენ. გასართობი მოწყობილობები კულტურის ცენტრის მიმდებარე ტერიტორიაზე უკვე ემსახურება მსურველებს.