11 დეკემბერი, 2018

გოგებაშვილის ქუჩის რეაბილიტაცია მალე დასრულდება

გოგებაშვილის ქუჩაზე მიმდინარე 1 135 236 ლარის ღირებულების სარეაბილიტაციო სამუშაოები მალე დასრულდება.

მიმდინარე პროცესს გორის მერი გაეცნო. კონსტანტინე თავზარაშვილი ადგილობრივ მოსახლეობასაც გაესაუბრა. 

პროექტი გოგებაშვილი ქუჩის მონაკვეთის (კახნიაშვილის ქუჩიდან 26 მაისის სანაპირომდე), საკათედრო ტაძრის მიმდებარე მოედნისა და საკანალიზაციო ქსელის მოწყობას ითვალისწინებს. 

სამუშაოები ადგილობრივი ბიუჯეტისა და რეგიონებში განსახორციელებელი პროექტების ფონდის თანადაფინანსებით ხორციელდება. 

სამუშაოებს სამშენებლო კომპანია შპს „შარას“ ახორციელებს.

მე-2 საჯარო სკოლასთან, რომელიც გოგებაშვილის ქუჩაზე მდებარეობს, ადგილობრივი ბიუჯეტის სახსრებით სიჩქარის შემზღუდავი ბარიერებიც მოეწყობა.