გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
01 ნოემბერი, 2018
„სიტყვის ძალა“ - ასე ერქვა გუნდურ ინტელექტუალურ კონკურსს, რომლის გამარჯვებულებიც დღეს გორის მუნიციპალიტეტის ა(ა)იპ კულტურისა და ტურიზმის განვითარების ხელშეწყობის სააგენტოს წარმომადგენლებმა დააჯილდოვეს.
ხუთ რაუნდიანი შეჯიბრი სოფელ პატარა გარეჯვრის საჯარო სკოლის გუნდის გამარჯვებით დასრულდა. გუნდის წევრებს სამახსოვრო საჩუქრები გადაეცათ.
გარდა პატარა გარეჯვრისა, კონკურსში კიდევ 5 სკოლა მონაწილეობდა, რომლებსაც მადლობის სიგელები გადაეცათ.
კონკურსი, რომელიც მოსწავლეებში მშობლიური ენის ლექსიკური მარაგის შევსება-გამდიდრების ხელშეწყობას ისახავდა მიზნად, სააგენტოს პროექტის „საუკეთესო მოქართულეს“ ფარგლებში ჩატარდა.
პროექტი „საუკეთესო მოქართულე“ გორის მუნიციპალიტეტის ა(ა)იპ კულტურისა და ტურიზმის განვითარების ხელშეწყობის სააგენტოს ინიციატივით მესამე წელია ხორციელდება.
