22 სექტემბერი, 2018

"გზავნილი მომავალში"

გორის კულტურისა და დასვენების პარკიდან ფრანები გაუშვეს. მშვიდობის საერთაშორისო დღისადმი მიძღვნილ ღონისძიებაზე მომავლის გზავნილები დაწერეს და შეუერთდნენ მსოფლიოს.

აქციაზე სახელწოდებით „გზავნილი მომავალში“ ფოტო-გამოფენა და ფილმის ჩვენებაც გაიმართა. მშვიდობის ხეივანში ღონისძიება ინვალიდ-მეომართა და დაღუპულ მებრძოლთა მეუღლეთა კავშირისა და მოძრაობა „ქალები - მშვიდობისა და უსაფრთხოებისათვის“ ორგანიზებით გაიმართა.

აქციის მიზანი იყო მშვიდობის საერთაშორისო დღის აღნიშვნა მსოფლიო საზოგადოებასთან ერთად და კიდევ ერთხელ შეხსენება იმისა, რომ - მხოლოდ მშვიდობიანი თანაცხოვრების პირობებშია შესაძლებელი თავისუფალი, მოაზროვნე და პროგრესირებადი საზოგადოების ჩამოყალიბება და მსოფლიოში მიმდინარე შეიარაღებული კონფლიქტების ფონზე თითოეული ჩვენგანის წვლილი მნიშვნელოვანია მშვიდობის მშენებლობაში.