პროექტი, შიდა ქართლში მცხოვრები პრობაციონერებისა და ყოფილი პატიმრების რეინტეგრაციისა და დასაქმების ხელშეწყობის მიზნით განხორციელდა.

2017 წლის თებერვლიდან დღემდე 48 ბენეფიციარმა წარმატებით გაიარა პროფესიული გადამზადების 3 თვიანი კურსი ფსიქო-სოციალური, იურიდიული დახმარებისა და სასიცოცხლო უნარების შეძენის კუთხით.

პროექტი დაფინანსებულია ევროკავშირისა და ავსტრიის განვითარების სააგენტოს მიერ და ხორციელდება შიდა ქართლში, სამეგრელოსა და იმერეთში.

„ასოციაცია „თანხმობა“ გარდა იმისა, რომ პრობაციონერებისა და ყოფილი პატიმრების რესოციალიზაცის მიზნით ახორციელებს პროექტებს, ზრუნავს გორის მუნიციპალიტეტის ტერიტორიაზე მცხოვრები მოხუცების ცხოვრების ხარისხის გაუმჯობესებაზე. ორგანიზაცია აქტიურად თანამშრომლობს გორის მერიასთან. ამ ეტაპზე ადგილობრივი თვითმმართველობის დაფინანსებით ხორციელდება პროექტი „ღირსეული სიბერე“, რომლის ფარგლებშიც გორის მუნიციპალიტეტის ტერიტორიაზე მცხოვრები 36 მოხუცი „დღის ცენტრში“ შინმოვლის სერვისებით სარგებლობს.“ - აღნიშნა გორის მერმა პრეზენტაციის მიმდინარეობისას. კონსტანტინე თავზარაშვილმა ღონისძიების დასრულების შემდეგ „დღის ცენტრის“ ბენეფიციარებიც მოინახულა.