გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06
20 ივლისი, 2018
„მოქალაქის უფლება, მონაწილეობა მიიღოს საზოგადოებრივი საკითხების მართვაში დემოკრატიული მმართველობის ძირითადი პრინციპია. ხელისუფლების თითოეული შტო ვალდებულია, იქონიოს და განავითაროს საზოგადოებრივი ჩართულობის მექანიზმები. განსაკუთრებით მნიშვნელოვანია სამოქალაქო ჩართულობის წახალისება ადგილობრივ დონეზე.“ - აღნიშნა გორის მერის პირველმა მოადგილემ გელა კაპანაძემ პრეზენტაციაზე.
შეხვედრას გორის მერის მოადგილეები, სამსახურის უფროსები და მერის წარმომადგენლები ესწრებოდნენ.
კვლევა გორის მუნიციპალიტეტის მუშაობაში მოქალაქეთა ჩართულობისა და თვითმართველობის საქმიანობის შესახებ საზოგადოების ინფორმირებულობის ხარისხის დადგენისა და შეფასების მიზნით ქალაქ გორში და 12 სოფელში ჩატარდა.
გარდა კვლევის შედეგების პრეზენტაციისა, შეხვედრაზე საზოგადოება „ბილიკიმა“ და ,,ახალგაზრდა მკვლევართა და ანალიტიკოსთა გაერთიანებამ“ რეკომენდაციებიც წარმოადგინეს.
კვლევა პროექტის „თვითმართველობის საზოგადოებასთან სიახლოვის მონიტორინგის“ ფარგლებში ჩატარდა.
პროექტი განხორციელდა საქართველოს სტრატეგიული კვლევებისა და განვითარების ცენტრის მხარდაჭერით „სამოქალაქო საზოგადოების განვითარების ინიციატივის" (2017 -2020) ფარგლებში. პროექტს ახორციელებს კონსორციუმი კონრად ადენაუერის ფონდის ხელმძღვანელობით.
