21 ივნისი, 2018

გიორგი კანდელაკის სახელობის მე-10 საერთაშორისო ტურნირი გაიხსნა

ამ წუთებში, ა(ა)იპ „გორის მუნიციპალტეტის სპორტის განვითარების და ხელშეწყობის სააგენტო“ გიორგი კანდელაკის სახელობის მე-10 საერთაშორისო ტურნირის მერვედფინალურ შეხვედრას მასპინძლობს.

ღონისძიების გახსნას ესწრებოდნენ გორის მუნიციპალიტეტის მერი და საკრებულოს თავმჯდომარე. მათ ახალგაზრდა სპორტსმენებს წარმატებები უსურვეს.

გარდა საქართველოს სხვადასხვა ქალაქებისა, შეჯიბრებაში ლიეტუვას, ბელარუსის, რუსეთის, აზერბაიჯანისა და სომხეთის ჭაბუკ მოკრივეთა გუნდები იღებენ მონაწილეობას.

მერვედფინალური, მეოთხედფინალური და ნახევარფინალური შეხვედრები 21–23 ივნისს ჩატარდება. 24 ივნისის, 12:00 საათზე დაიწყება ფინალური ორთაბრძოლები.

ტურნირი 13 წონით კატეგორიაში იმართება. გამარჯვებულებს თასები, მედლები და ფასიანი საჩუქრები გადაეცემათ.

ღონისძიების ორგანიზატორია ა(ა)იპ გორის მუნიციპალიტეტის სპორტის განვითარებისა და ხელშეწყობის სააგენტო.

პროფესიონალი მოკრივე გიორგი კანდელაკი 1997 წელს დამოუკიდებელი საქართველოს პირველი მსოფლიო ჩემპიონი გახდა.

1997 წლამდე, სპორტსმენმა მოიპოვა მსოფლიო ჩემპიონის ტიტული კრივში იუნიორებს შორის, გახდა ევროპის ჩემპიონი, მსოფლიო თასის პრიზიორი, N2 მოკრივე 91 კგ წონით კატეგორიაში მსოფლიო მოკრივეთა შორის, იყო მსოფლიო ჩემპიონი სუპერ-მძიმე წონაში, მსოფლიო ჩემპიონატის და ოლიმპიური თამაშების მონაწილე .