19 მაისი, 2018

სმენის უფასო კვლევები გორელებისთვის

გორის მუნიციპალიტეტში მცხოვრები მოსახლეობისთვის სმენის გამოკვლევების აქცია გორის მერიის შენობაში გაიმართა. კვლევების მიმდინარეობას გორის მუნიციპალიტეტის მერი კონსტანტინე თავზარაშვილიც ესწრებოდა.

40 - მდე პაციენტმა ისარგებლა თურქი ოტოლოგის ფარუკ ჰამზა ქურტის უფასო კონსულტაციითა და ,,სისერ სმენის ცენტრის“ მედიკოსების მიერ ჩატარებული აუდიომეტრიული გამოკვლევით.

აქცია გორის მუნიციპალიტეტის მერიისა და ,,სისერ სმენის ცენტრის“ ერთობლივი ღონისძიებაა, რომელიც გორის მუნიციპალიტეტის მოსახლეობის ჯანმრთელობაზე ზრუნვას ისახავს მიზნად.