7-8 თებერვალს გორი ცოტნე ბარამიძის ხსოვნისადმი მიძღვნილ III მემორიალურ საერთაშორისო ტურნირს უმასპინძლებს თავისუფალ ჭიდაობაში
7-8 თებერვალს გორი, ცოტნე ბარამიძის ხსოვნისადმი მიძღვნილ III მემორიალურ საერთაშორისო ტურნირს უმასპინძლებს თავისუფალ ჭიდაობაში.
შეჯიბრებაში მონაწილეობას მიიღებენ 2011-2013 წლებში დაბადებული მოჭიდავე ვაჟები და გოგონები ჩვენი ქვეყნის ოცამდე ქალაქიდან, გორში საასპარეზოდ ჩამოვლენ ასევე - საბერძნეთის, ისრაელის, ყაზახეთის და სომხეთის გუნდები.
სპორტსმენები პირველობისათვის იბრძოლებენ ვაჟთა შორის 10, ხოლო გოგონათა შორის 4 წონით კატეგორიაში. ტურნირი ჩატარდება გორის სპორტის სასახლეში. დასაწყისი: 7 თებერვალს, 10 საათზე, ფინალური ბლოკი 8 თებერვალს 10 საათიდან.
დასწრება თავისუფალია.
ტურნირის ორგანიზატორია გორის მუნიციპალიტეტის მერია, გორის მუნიციპალიტეტის სპორტის განვითარებისა და ხელშეწყობის სააგენტო, შეჯიბრების მხარდამჭერია საქართველოს ჭიდაობის ეროვნული ფედერაცია.
