დაჯილდოების პარალელურად, გორის მუნიციპალიტეტის განვითარების სააგენტოს ტურიზმის განყოფილების მინი გალერეაში გაიმართა კურსდამთავრებულების მიერ შექმნილი ნამუშევრების გამოფენა - გაყიდვაც.

პროექტის 30 - მდე მონაწილემ სამთვიანი უფასო პროგრამის ფარგლებში შეისწავლა კერამიკის დამუშავება, თექისა და ფარდაგის ქსოვა.

 

სასწავლო პროცესში მონაწილეობდნენ 9 - დან 17 წლამდე მოსწავლეები და სამსახურის მიღმა მყოფი ქალბატონები.

 

პროგრამის მიზანი იყო ხალხური რეწვის განვითარება და დასაქმების ხელშეწყობა.

პროექტის ფარგლებში შეიქმნა „მშობლისა და შვილის კლუბი“, სადაც 4 - დან 10 წლამდე ბავშვები შემოქმედებით საქმიანობაში მშობლებთან ერთად იყვნენ ჩართულები. ინიციატივის მიზანი ოჯახური კავშირის გაძლიერება იყო.

 

პროექტი გორის მუნიციპალიტეტის განვითარებისა და ტანისა და თეძმის დაცული ლანდშაფტის სააგენტოს ტურიზმის განყოფილების მიერ მესამე წელია ხორციელდება.