15 ოქტომბერი, 2025

ემეგობრე მუზეუმს

გორის სერგი მაკალათიას სახელობის ისტორიულ - ეთნოგრაფიულ მუზეუმში გახსნილი გამოფენა გორის მუნიციპალიტეტის მერის მოვალეობის შემსრულებელმა კონსტანტინე ბუზალაძემ, შიდა ქართლში სახელმწიფო რწმუნებულმა სიმონ გულედანმა და მისმა მოადგილემ მიხეილ ფავლენიშვილმა დაათვალიერეს.

გამოფენა ტურიზმის მსოფლიო დღესთან დაკავშირებით, ტურიზმის განყოფილების ინიციატივით, 26 სექტემბერს საზეიმოდ გაიხსნა.

გორის სერგი მაკალათიას სახელობის ისტორიულ - ეთნოგრაფიულ მუზეუმში წარმოდგენილია საქართველოს ეროვნულ მუზეუმში დაცული ახალი თანამედროვე ნამუშევრები.

გამოფენა პროექტის „ემეგობრე მუზეუმის“ ფარგლებში ხორციელდება და ის გორში 26 ოქტომბრამდე დარჩება.

ხელისუფლების წარმომადგენლებმა მუზეუმიც დაათვალიერეს და ხელმძღვანელობასთან ერთად, მისი კიდევ უფრო მეტად განვითარების პერსპექტივებზე იმსჯელეს