ახალი დასასვენებელი სივრცე ძველი ხიდიდან „ახალბაღამდე“ მოეწყო.
ღონისძიებას ესწრებოდნენ ადგილობრივი ხელისუფლების წარმომადგენლები და მოქალაქეები.
საღამოს მუსიკალურად აფორმებდა ადგილობრივი ჯგუფი "კანუდოსი". დასასვენებელ სივრცეში წარმოდგენილი იყო ძველი გორის ფოტოები. ღონისძიებაზე მოსულ პატარებს სამხატვრო სკოლის მოსწავლეები სახის მოხატვას სთავაზობდნენ. ბულვარში მოქალაქეებს მე-19 საუკუნის კოსტიუმებში გამოწყობილ გორის თეატრის მსახიობებთან ფოტოების გადაღებაც შეეძლოთ. სტუმრებს მეთევზეებთან ერთად ანკესებით თევზაობის საშუალებაც ჰქონდათ.
სამუშაოები ადგილობრივი ბიუჯეტიდან დაფინანსდა.
პროექტის ფარგლებში მოეწყო გარეგანათება, სარწყავი და სანიაღვრე სისტემები, ტროტუარები, ველობილიკები, გამწვანების ზოლი, ბეტონის დეკორატიული ფერადი ფილები, სკამები და ურნები.
ბულვარის მშენებლობამდე „ახალბაღიდან“ ძველ ხიდამდე, მტკვრის მარცხენა სანაპიროზე მოეწყო რკინა - ბეტონის საყრდენი კედელი, გურამიშვიულის ქუჩის აღნიშნულ მონაკვეთზე კი რეაბილიტირდა საგზაო ინფრასტრუქტურა.
