შეხვედრა თამბაქოს კონტროლის კანონმდებლობის აღსრულების შესახებ
გორის მუნიციპალიტეტის მერიის თანამშრომლები თამბაქოს კონტროლის კანონმდებლობით გათვალისწინებულ აღსრულების საკითხებს გაეცნენ.
შეხვედრის მთავარი მიზანი იყო თამბაქოს კონტროლის კანონმდებლობის აღსრულების მდგომარეობის შესახებ ინფორმაციის მიწოდება და ასევე იმ ახალი გამოწვევების განხილვა რაც ამ ეტაპზე აქტუალურია.
აქცენტი გაკეთდა თამბაქოს ახალი პროდუქტების (ელექტრო სიგარეტი, გასახურებელი თამბაქო) მასობრივი გავრცელების პრობლემაზე და იმ კანონდარღვევებზე რაც მათ მოხმარებას უკავშირდება.
განსაკუთრებული ყურადღება გამახვილდა სავაჭრო ობიექტებში თამბაქოს ახალი პროდუქტების რეკლამის გახშირებულ შემთხვევებზე და მათზე რეაგირების გზებზე.
შეხვედრა გაიმართა თამბაქოს კონტროლის ჩარჩო კონვენციის იმპლემენტაციის და მონიტორინგის ცენტრის ორგანიზებით, ჯანმრთელობის ხელშეწყობის სახელმწიფო პროგრამის ფარგლებში.
