გორის გუნდმა გოდერძი ზაქარაიას სახელობის ჯომარდობის ინტეგრირებულ ჩემპიონატში გამარჯვა
გორის გუნდმა პროექტის „აქტიური ცხოვრება ჩემი სტიქიაა“ ფარგლებში აფხაზეთის ომის გმირის, გოდერძი ზაქარაიას სახელობის ჯომარდობის ინტეგრირებულ ჩემპიონატში გამარჯვეს.
გარდა ჯომარდობისა, გორელმა პარასპორტსმენებმა და ვეტერანებმა მშვილდოსნობის ტურნირშიც მიიღეს მონაწილეობა.
გამარჯვებულებს გადაეცათ ფულადი პრიზები, ფასიანი საჩუქრები, თასები, დიპლომები და მედლები.
ღონისძიებას, რომელსაც ბორჯომის საველე ბანაკმა უმასპინძლა, 200 - მდე მონაწილე ჰყავდა.
გარდა აღნიშნულ სპორტის სახეობაში მოპოვებული გამარჯვებისა, პროექტის გორელმა მონაწილეებმა ბოულინგში ჯგუფურ, ხოლო მინი გოლფში ინდივიდუალურ წარმატებასაც მიაღწიეს.
პროექტს ტრადიციული ხასიათი აქვს. ის ხელს უწყობს გაეროს 2006 წლის შეზღუდული შესაძლებლობის მქონე პირთა უფლებების დაცვის კონვენციის 30-ე მუხლის იმპლემენტაციას და მისი აღსრულების ხელშეწყობით შშმ პირთა საზოგადოებაში თანაბარუფლებრივი მდგომარეობის დამკვიდრებას.
ღონისძიება, რომლის ერთ-ერთი მხარდამჭერი გორის მუნიციპალიტეტის მერიაა, „ახალგაზრდული მედიაკავშირის“ ორგანიზებით გაიმართა.
გორის მუნიციპალიტეტის მერიის თანადაფინანსებული პროექტის ფარგლებში, პარასპორტსმენების მონაწილეობით, მთელი წლის განმავლობაში სხვადასხვა აქტივობები ტარდება.
პროექტიის მხარდამჭრი და სპონსორია ქუთაისის საერთაშორისო უნივერსიტეტი.
