13 ოქტომბერი, 2022

სისხლის დონაციის აქცია გორში

გორში სისხლის დონაციის უანგარო აქცია გაიმართა. საქველმოქმედო ღონისძიებაში ადგილობრივი ხელისუფლების წარმომადგენლებმა და მუნიციპალური ა(ა)იპების თნამშრომლებმა მიიღეს მონაწილეობა. აქცია, შიდა ქართლის სამხარეო ადმინისტრაციისა და იაშვილის სახელობის ბავშვთა ცენტრალური საავადმყოფოს სისხლის ბანკის ინიციატივითა და გორის მუნიციპალიტეტის მერიის მხარდაჭერით დაიგეგმა. აღნიშნული სამედიცინო დაწესებულება ერთადერთია საქართველოში, სადაც მკურნალობენ ლეიკემიით დაავადებული ბავშვები ქიმიოთერაპიის დროს, რომელიც ძალიან ხანგრძლივი პროცესია. ამ ხნის განმავლობაში სისტემატურად ესაჭიროებათ მათ ახალი სისხლისგან დამზადებული კომპონენტები.