02 სექტემბერი, 2022

წარმატებულ გორელ ძიუდოისტების დაჯილდოება

მსოფლიო ჩემპიონები გახდნენ დავით ქარელი და საბა სამადაშვილი, საბა საბაშვილი კი ბრინჯაოს მედალს დასჯერდა.

ძიუდოისტებს და მათ მწვრთნელს ანზორ თენაძეს გორის მუნიციპალიტეტის მერმა ვლადიმერ ხინჩეგაშვილმა და შიდა ქართლის სახელმწიფო რწმუნებულმა მიხეილ შაყულაშვილმა ჯილდოები გადასცეს და მიღწეული წარმატება მიულოცეს.

სამივე სპორტსმენი ჩემპიონატზე საქართველოს ნაკრების სახელით ასპარეზობდა.

მიმდინარე წელს, ბოსნია-ჰერცეგოვინაში ჭაბუკთა მსოფლიო ჩემპიონატზე, ერთეულებში საქართველოს ნაკრებმა ორი ოქროს, ერთი ვერცხლისა და სამი ბრინჯაოს მედალი მოიპოვა და ვაჟთა შორის გუნდური პირველი ადგილი დაიკავა.