18 სექტემბერი, 2022

მინი ფეხბურთში ტურნირის გამარჯვებული ტინისხიდის გუნდი გახდა

მეორე და მესამე ადგილები ქვახვრელისა და ქალაქ გორის ცენტრალური დასახლების პირველმა უბნის გუნდებმა გადაინაწილეს.

პირველი ადგილის მფლობელი გუნდი დაჯილდოვდა მერიის თასით და 3000 ლარით, მეორე ადგილზე გასულმა გუნდმა მიიღო 2000 ლარი, ხოლო მესამე ადგილის პრიზიორს გადაეცა 1000 ლარი.

ტურნირი, რომელშიც 20 გუნდი იღებდა მონაწილებას, გორის მუნიციპალიტეტის ადმინისტრაციული ერთეულების ფეხბურთის გუნდებს შორის ოლიმპიური სისტემით ჩატარდა.

პირველობა მინი ფეხბურთში ზაფხულის სპორტული თამაშების ფარგლებში გაიმართა. თამაშები შიდა ქართლის სამხარეო ადმინისტრაციის ინიციატივითა და გორის მუნიციპალიტეტის მერიის ორგანიზებით იმართება.