გორის მუნიციპალიტეტის მერია
Gori Municipality City Hall
ცხელი ხაზი
0 370 27 00 06 , 598 26 00 01
18 ივლისი, 2022
გორის მუნიციპალიტეტის მერიის მხარდაჭერით გორელმა შშმ პირებმა პეინტბოლისა და ზიპლაინის ინტეგრირებულ ტურნირში მიიღეს მონაწილეობა.
შეჯიბრება ბორჯომის ადაპტირებულ საველე ბანაკში გაიმართა და მასში მონაწილეობა მიიღო 200–მდე შშმ პირმა, ბრძოლებში დაჭრილმა ჯარისკაცმა და ომის ვეტერანმა გორის, თბილისის, საგარეჯოს, მარნეულის, ქუთაისის, ბორჯომის, ხაშურის, ბაღდათისა და ტყიბულის მუნიციპალიტეტებიდან.
ჩემპიონატების გამარჯვებულებს გადაეცათ ფულადი პრიზები, ფასიანი საჩუქრები, დიპლომები და მედლები.
პროექტს გორის მუნიციპალიტეტის მერიის გარდა მხარს საქართველოს თავდაცვის სამინისტრო, ვეტერანების საქმეთა სახელმწიფო სამსახური და რამდენიმე კერძო კომპანია უჭერდა.
ზიპლაინისა და პეინტბოლის ჩემპიონატები პროექტის „აქტიური ცხოვრება ჩემი სტიქიაა“ ფარგლებში განახორციელა ,,ახალგაზრდულმა მედიაკავშირმა“ . აღნიშნული ორგანიზაცია აქტიურად თანამშრომლობს გორის მერიასთან და შშმ პირთა ადაპტაციის ხელშესაწყობად შეჯიბრებებს აწყობს ექსტრემალური სპორტის სხვადასხვა სახეობაში, რითაც ხელს უწყობს გაეროს 2006 წლის შეზღუდული შესაძლებლობის მქონე პირთა უფლებების დაცვის კონვენციის 30-ე მუხლის იმპლემენტაციას.
ღონისძიებას ხელისუფლების წარმომადგენლებთან და სპორტსმენებთან ერთად, საპატიო სტუმრის სტატუსით საფრანგეთის სრულუფლებიანი ელჩი საქართველოში შერაზ გასრი დაესწრო.
6 790 კვადრატულ მეტრზე განთავსდება საბავშვო და მაგიდის ჩოგბურთის სათამაშო სივრცეები, ცალფარიანი კალათბურთის მინიმოედნები, ტრენაჟორები, გარეგანათება, სარწყავი სისტემა, დეკორატიული ღობე, გაზონი, სკამები, ურნები, წყლის სოკოები და ფანჩატურები.
ღონისძიების ორგანიზატორებმა შშმ პირებს გააცნეს ის უფასო პროგრამები და სერვისები, რომლებიც მათ კომპეტენციების განვითარებასა და დასაქმებაში დაეხმარება.
